30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Կրեմլը լրատվամիջոցներին հանձնարարել է ավելի քիչ մեջբերումներ անել պատերազմի կողմնակից պատգամավորներից
Քաղաքականություն
09.11.2022 | 20:01
ՌԴ նախագահի աշխատակազմը պետական լրատվամիջոցներին հանձնարարել է կրճատել Պետդումայի որոշ պատգամավորներից մեջբերումները, որոնք խոսում են ռազմական թեմաներով, այդ թվում՝ նրանց, ովքեր քննադատում են ռազմական հրամանատարությանը: Այս մասին հայտնել են Պետդումային և պետական լրատվամիջոցներին մոտ կանգնած աղբյուրները, գրում է DW-ի ռուսական ծառայությունը՝ հղում կատարելով «Վերստկա» հրատարակչությանը։
Պատգամավորների ցուցակում, որոնց ելույթները «չպետք է շատ հրապարակվեն», ներառվել են Դումայի պաշտպանության հանձնաժողովի ղեկավար Անդրեյ Կարտապոլովը, գեներալ-պատգամավորներ Անդրեյ Գուրուլևը, Վիկտոր Զավարզինը, Անդրեյ Կրասովը և Կանանց հարցերով հանձնաժողովի ղեկավար Նինա Օստանինան։
Նրանց կարելի է մեջբերել «միայն նվազագույն ծավալներով, եթե դա պահանջում է լրատվական օրակարգը», «Վերստկա»-ին հայտնել է սեփական աղբյուրը: Նրա խոսքով՝ այդ հանձնարարականները եկել են Կրեմլի հանրային նախագծերի վարչությունից, որը ղեկավարում է Սերգեյ Նովիկովը։
Ըստ այդ տեղեկությունների՝ նման պահանջներ են ստացել այնպիսի ԶԼՄ-ներ, ինչպիսիք են «Ռոսիյա սեգոդնյա», «Ռոսիյսկայա գազետա», ՎԳՏՌԿ ու այլ խոշոր ԶԼՄ-ները, որոնք պաշտոնապես չեն պատկանում պետությանը։
Ցուցակագրված պատգամավորներից հինգը «սև ցուցակում» են հայտնվել, առաջին հերթին, պատերազմի ընթացքի, մոբիլիզացիայի և ռազմաճակատի ապահովման մասին մեկնաբանությունների պատճառով։
Տաթև Ֆռանգյան
