17.12.2025 | 19:29
«Սևան ստարտափ սամմիթ»-ի հիմնադիրը ՀՀ նախագահին է ներկայացրել նոր սմարթ քաղաքի կառուցման հայեցակարգի վերաբերյալ իր տեսլականը
Իսրայելը բավականաչափ ՀՕՊ պաշարներ չունի՝ Ուկրաինային մատակարարելու համար․ Իսրայելի ՊՆ ղեկավար
Քաղաքականություն
09.11.2022 | 18:30
Իսրայելը չի կարող իր հակաօդային պաշտպանության համակարգերը մատակարարել Ուկրաինային, քանի որ չունի բավարար հզորություն լրացուցիչ արտադրության համար։ Այս մասին հայտարարել է Իսրայելի պաշտպանության նախարար Բենի Գանցը, գրում է BBC-ի ռուսական ծառայությունը։
Իսրայելի իշխանությունները Կիևին ռազմական մատակարարումներից հրաժարվելու համար առաջին անգամ են նման բացատրություն տալիս։ Նախկինում Իսրայելի դիրքորոշումը բացատրվում էր հակամարտությունում չեզոք մնալու ցանկությամբ՝ վախենալով, որ հարևան Սիրիայում ռուսական ներկայությունը կազդի Իսրայելի արտաքին անվտանգության վրա։
«Ակնհայտ է, որ եթե նույնիսկ մենք որոշենք փոխել մեր քաղաքականությունը [Ուկրաինային զենք մատակարարելու վերաբերյալ], անհնար է մեր պաշարները դատարկել հակաօդային պաշտպանության համակարգերից։ Մենք ամեն օր ստուգում ենք, թե ինչ կարելի է անել և ինչպես կարող ենք ընդլայնել մեր օգնությունը, սակայն մենք չպետք է մոռանանք, որ Ուկրաինային աջակցում է ՆԱՏՕ-ն»,- ասել է Գանցը:
Պատերազմի սկզբից Իսրայելն Ուկրաինային տրամադրում է լայնածավալ մարդասիրական օգնություն՝ ներառյալ սեփական բժիշկներին և ռազմադաշտային բժշկական սարքավորումների տրամադրումը։ Բենի Գանցը վստահեցրել է, որ այս օգնությունը կշարունակվի։
Տաթև Ֆռանգյան
