03.05.2024 | 23:30
Ինչու Էրդողանի Սպիտակ տուն այցը հիմա տեղի չի ունենա. անդրադարձ
Պեմզաշենում հայտնաբերել են մոր և երկու երեխաների մարմինները
Հասարակություն
09.11.2022 | 16:00
Շիրակի մարզի Արթիկ խոշորացված համայնքի Պեմզաշեն բնակավայրի տներից մեկում հայտնաբերել են 31-ամյա Զարինե Մ.-ի և նրա երկու երեխաների` 12-ամյա դստեր և 8-ամյա որդու մարմինները։
ՀՀ ոստիկանության լրատվության և հասարակայնության հետ կապերի վարչությունից Factor.am-ին հայտնեցին, որ ժամը 13.45 ԱԻՆ ճգնաժամային կենտրոնի 911 ծառայությունից ահազանգ են ստացել, որ Պեմզաշեն գյուղում փակ դուռ կա։ Դեպքի վայր մեկնած օպերատիվ խումբը հայտնաբերել է ընտանիքի անդամների մարմինները` գետնին ընկած։ Հարուցվել է քրեական վարույթ սպանության հատկանիշներով։
Դեպքի վայրում աշխատում է օպերատիվ քննչական խումբը։ Արթիկի համայնքապետարանից ճշտեցինք, որ կնոջ ամուսինն արտագնա աշխատանքի է, իսկ կինը` Զարինե Մ.-ն աշխատում էր Պեմզաշենի առողջության կենտրոն ՊՈԱԿ-ում` որպես օպերատոր։ Նա այսօր աշխատանքի չի ներկայացել, իսկ երեխաները դասի չեն գնացել, հարևաններն էլ, տեսնելով՝ դռան թակոցներին արձագանքող չկա, զանգահարել են ԱԻՆ ճգնաժամային կենտրոն։
Արմիկ Մովսիսյան
