13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Էրդողանը G20-ի գագաթնաժողովի շրջանակում ցանկանում է հանդիպել Պուտինին
Քաղաքականություն
09.11.2022 | 16:17
Թուրքիայի նախագահ Ռեջեփ Թայիփ Էրդողանը հույս ունի Բալիում կայանալիք G20-ի գագաթնաժողովի շրջանակում հանդիպել ՌԴ նախագահ Վլադիմիր Պուտինին՝ քննարկելու ռուսական հացահատիկի մատակարարման հարցը կարիքավոր երկրներin։ Այս մասին հայտարարել է Թուրքիայի գյուղատնտեսության և անտառային տնտեսության նախարար Վահիտ Քիրիշչին, գրում է ՌԻԱ Նովոստին։
Ավելի վաղ Էրդողանը հայտնել էր, որ պայմանավորվել է Պուտինի հետ Աֆրիկայի կարիքավոր երկրներին անվճար ռուսական հացահատիկ և պարարտանյութեր մատակարարելու հարցի շուրջ, և երկու երկրները համերաշխ են այդ հարցում։
«Ինչպես հայտնի է, առաջիկա շաբաթվա ընթացքում Ինդոնեզիայում տեղի է ունենալու G20-ի առաջնորդների գագաթնաժողովը։ Նախագահ Էրդողանն այնտեղ հարգարժան պարոն Պուտինի հետ հանդիպմանն այդ հարցը կրկին օրակարգ կբերի, որից հետո գործընթացը կարագանա»,- ասել է Քիրիշչին A Haber-ի հետ հարցազրույցում։
Հավելենք, որ G20-ի գագաթնաժողովը տեղի է ունենալու Բալիում նոյեմբերի 15-16-ը։ Սակայն Պուտինի մասնակցությունը դեռ հարցականի տակ է։ Նրա խոսնակ Դմիտրի Պեսկովը հայտնել էր, որ ՌԴ նախագահի մասնակցության մասին որոշումը հայտնի կդառնա շաբաթվա վերջին։
Ավելի վաղ էլ Էրդողանի խոսնակ Իբրահիմ Քալընը հայտնել էր, որ Թուրքիայի նախագահը գագաթնաժողովի շրջանակում հանդիպելու է ԱՄՆ նախագահ Ջո Բայդենին։
Էմմա Չոբանյան
