22.03.2026 | 21:42
Վահագն Խաչատուրյանն առանձնազրույց է ունեցել Վրաստանի նախագահի հետ
Թուրքիան Սիրիայի հետ դիվանագիտական կապեր հաստատելու պայմաններն է նշել
Քաղաքականություն
09.11.2022 | 20:38
Թուրքիան կքննարկի Սիրիայի հետ դիվանագիտական կապեր հաստատելու հարցը, եթե համապատասխան պայմաններ ստեղծվեն։ Այս մասին հայտարարել է Թուրքիայի արտգործնախարար Մևլութ Չավուշօղլուն, գրում է ՌԻԱ Նովոստին։
«Սիրիայի հարցում մենք պահպանում ենք մեր սկզբունքային դիրքորոշումը՝ հիմնված չորս ռազմավարական նպատակների վրա․ երկրի միասնության և տարածքային ամբողջականության պահպանում, քաղաքական որոշման հիման վրա հաստատուն կայունություն, մեր սահմաններում ահաբեկչության սպառնալիքի վերացում և սիրիացիների անվտանգ վերադարձ իրենց հայրենիք»,- Չավուշօղլուի խոսքերն է մեջբերում Aydınlık պարբերականը։
Նրա խոսքով՝ Սիրիայում կայունություն ապահովելու՝ Անկարայի ջանքերի շնորհիվ շուրջ 530 հազար սիրիացիներ արդեն վերադարձել են հայրենիք։
«Եթե հարմար պայմաններ ստեղծվեն հատուկ ծառայությունների միջև առկա շփումները դիվանագիտական մակարդակով ընդլայնելու համար, մենք դա նույնպես կգնահատենք»,- ընդգծել է Թուրքիայի ԱԳՆ ղեկավարը։
Տաթև Ֆռանգյան
