12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Իմ վարույթում կա 2011թ. գործ. այս ծանրաբեռնվածությունն օրենսդրական փոփոխությամբ պետք է լուծել. դատավոր․ ՏԵՍԱՆՅՈՒԹ
Հասարակություն
08.11.2022 | 13:40
Մարդու իրավունքների պաշտպանության եւ հանրային հարցերի մշտական հանձնաժողովի նախագահ Թագուհի Թովմասյանի նախաձեռնությամբ աշխատանքային քննարկում է կազմակերպել «ՀՀ դատարանների գերծանրաբեռնվածության խնդիրները եվ դատական գործը ողջամիտ ժամկետում քննելը՝ որպես «Մարդու իրավունքների եվ հիմնարար ազատությունների պաշտպանության մասին» եվրոպական կոնվենցիայի 6-րդ հոդվածով սահմանված՝ անձի արդար դատաքննության իրավունքի տարր» թեմայով։
«Վարչական դատարանի ծանրաբեռնվածության պատճառն այն է, որ վարչական մարմինները հիմնականում թերի են աշխատում, և մարդկանց մոտ վստահություն չեն վայելում, և մարդիկ նախընտրում են դատարան դիմել, ոչ թե վեճը լուծել արտադատական կարգով»,- այս մասին նշեց Վարչական դատարանի դատավոր Ռուզաննա Ազրոյանը։
Նրա դիտարկմամբ՝ վարչական մարմինների աշխատանքի արդյունավետությունը բարձրացնելու պարագայում Վարչական դատարանի գերծանրաբեռնվածությունը բավականին կնվազի։
«Իմ վարույթում կա 2011թ. գործ»,- ասաց դատավորը։ Նրա խոսքով՝ օրենսդրական փոփոխություններ կատարելով՝ հնարավոր կլինի հասնել դատարանների ծանրաբեռնվածության նվազեցման։
«Օրինակ՝ եթե ընդունվեր օրենսդարական դրույթ, որ Վարչական դատարանում ևս գործերը կարող են քննվել գրավոր ընթացակարգով, վստահեցնում եմ, որ Վարչական դատարանի ծանրաբեռնվածությունը ավելի քան 30-40 տոկոսով կնվազեր»,- նշեց Ազրոյանը։
Մանրամասները՝ տեսանյութում։
