27.02.2026 | 11:43
Մելանյա Թրամփը կնախագահի ՄԱԿ-ի Անվտանգության խորհրդի նիստը
Թուրքիան առաջարկում է մեկ տարով երկարաձգել հացահատիկային գործարքը
Քաղաքականություն
08.11.2022 | 14:35
Թուրքիայի պաշտպանության նախարար Հուլուսի Աքարը հայտարարել է, որ Անկարան առաջարկում է հացահատիկային գործարքը մեկ տարով երկարաձգել, հաղորդում է CNN Turk-ը։
«Խոսել ենք հակամարտության և հումանիտար պայմանների մասին։ Մենք կառաջարկենք երկարաձգել ևս մեկ տարով համաձայնագիրը»,- ասել է Աքարը։
Նշենք, որ հացահատիկային համաձայնագրի ժամկետը լրանում է նոյեմբերի 19-ին։ Այն կնքվել էր հուլիսի 22-ին Ստամբուլում՝ Թուրքիայի, ՌԴ-ի, Ուկրաինայի և ՄԱԿ-ի միջև։
Հոկտեմբերի 29-ին ՌԴ հայտարարել էր, որ դուրս է գալիս հացահատիկային գործարքից՝ Ուկրաինայի կողմից Սևաստոպոլի նավատորմի վրա հարձակումների պատճառով։ Սակայն նոյեմբերի 2-ին Թուրքիայի նախագահ Ռեջեփ Թայիփ Էրդողանը ՌԴ նախագահ Վլադիմիր Պուտինի հետ բանակցություններից հետո հայտարարել էր, որ Մոսկվան վերադառնում է գործարքին։
Էմմա Չոբանյան
