09.10.2026 | 13:26
Արթիկի նախկին մանկապարտեզի 2003-ի աճուրդը անվավեր է ճանաչվել․ համայնքին կվճարվի 12.4 մլն դրամ
Դատավոր Արթուր Ստեփանյանին կարգապահական պատասխանատվության ենթարկելու միջնորդության քննությունը հետաձգվեց
Հասարակություն
08.11.2022 | 10:58
2022 թվականի նոյեմբերի 7-ին Բարձրագույն դատական խորհրդում մեկնարկել է Երևան քաղաքի առաջին ատյանի ընդհանուր իրավասության դատարանի դատավոր Արթուր Ստեփանյանին կարգապահական պատասխանատվության ենթարկելու հարցի վերաբերյալ միջնորդության քննությունը․ տեղեկացնում են ԲԴԽ-ից։
«Նիստի մեկնարկին ԲԴԽ նախագահ Կարեն Անդրեասյանն ինքնաբացարկի միջնորդություն ներկայացրեց այն հիմնավորմամբ, որ քննարկվող վարույթը հարուցվել է իր կողմից՝ որպես արդարադատության նախարար պաշտոնավարելիս: Միջնորդությունը Խորհրդի կողմից բավարարվեց:
Դատավորի ներկայացուցիչ Սիրանուշ Սահակյանը բացարկի միջնորդություններ ներկայացրեց Խորհրդի գիտնական անդամներին, որոնք մերժվեցին, նա նաև գործի վարույթը կարճելու վերաբերյալ միջնորդությամբ հանդես եկավ:
Արդարադատության նախարարության ներկայացուցիչներն էլ միջնորդություն ներկայացրին գործով վկա ներգրավելու վերաբերյալ:
Նիստը հետաձգվեց, հաջորդը կկայանա նոյեմբերի 14-ին, ժամը՝ 14:00-ին»,- ասված է հաղորդագրությունում։
Մանրամասները՝ տեսանյութում:
