16.01.2026 | 18:34
Տիմոշենկոյի նկատմամբ խափանման միջոց է ընտրվել գրավը
Համակարգը այնպես չի աշխատում, ինչպես պլանավորել էինք. Գնել Սանոսյանը՝ գազաբալոնների փորձաքննության մասին․ ՏԵՍԱՆՅՈՒԹ
Տնտեսություն
07.11.2022 | 19:04
Հայաստանի Հանրապետության տարածքային կառավարման և ենթակառուցվածքների նախարար Գնել Սանոսյանը ԱԺ-ում լրագրողների հետ ճեպազրույցում կարծիք հայտնեց, որ գազալցման կայանները պատշաճ կերպով համապատասխան ստուգումներ չեն իրականացնում:
Նրա գնահատմամբ՝ գազաբալոնների պարտադիր ստուգման համակարգն այնպես չի աշխատում, ինչպես պլանավորված էր:
Սանոսյանի խոսքով՝ հոկտեմբերի 24-ից մինչև նոյեմբերի 4-ն ընկած ժամանակահատվածում տեսչության մասնագետները 173 կայան են այցելել:
«Մեր մասնագետները 1520 տրանսպորտային միջոց են ստուգել, և 234 արձանագրություն է կազմվել: Այդ օրերի արդյունքում մենք ունենք 80 միլիոն դրամի տուգանք: Տեսչության մեր գործընկերների հետ պայմանավորվել ենք գործընթացը շարունակել այնքան, մինչև գազալցման կայանները խելքի կգան և կպահանջեն համապատասխան փաստաթղթերը»,-ասաց նախարարը՝ հավելելով, որ գազաբալոնների ստուգման 50-ից ավելի կայան արդեն գործում է: Դրանց մեծ մասը Երևանում են:
Մանրամասները՝ տեսանյութում։
