Սուքիասյանը՝ «Սիլ պլազայի» արգելանքի մասին․ ՌԴ ՊՆ-ն՝ Արցախում հրադադարի խախտման մասին․ Լուրեր

• Ջերմուկից հնարավոր է անզեն աչքով տեսնել ադրբեջանական խմբին. Այս մասին ԱԺ-ում լրագրողների հարցին ի պատասխան ասել է Վայոց ձորի մարզպետ Արարատ Գրիգորյանը։ Նա նաև հայտնել է, որ Ջերմուկի ճոպանուղին չի գործում, արոտավայրերի որոշ հատվածներ վտանգավոր են
• Գեղարքունիքի մարզպետ Կարեն Սարգսյանն էլ հայտարարել է, որ Գեղարքունիքի մարզում Եվրամիության դիտորդներն արդեն արձանագրել են ու վստահ են, որ Ադրբեջանի կողմից ագրեսիա է եղել Հայաստանի սահմանների ուղղությամբ և կան օկուպացված տարածքներ: Մարզպետի խոսքով՝ Գեղարքունիքում սեպտեմբերի 13-ի ագրեսիայի հետևանքով տեղահանված բնակչությունը դեռ ամբողջապես հետ չի վերադարձել։
• Ռուս խաղաղապահներն ադրբեջանցիների կողմից հրադադարի խախտում են արձանագրել Արցախում։ ՌԴ ՊՆ հաղորդագրության համաձայն՝ նոյեմբերի 5-ին՝ ժամը 12.30-ին, ադրբեջանական դիրքից հրաձգային զինատեսակներից կրակ է բացվել Խրամորթից 1,8 կմ դեպի արևելք ընկած տարածքում գյուղատնտեսական տեխնիկայի օգտագործմամբ հողային աշխատանքներ կատարող տեղի բնակչի վրա։
• ԱԺ ՔՊ-ական պատգամավոր Խաչատուր Սուքիասյանը անդրադարձել է Սիլ Պլազայի վրա արգելանք դնելու՝ Դատախազության որոշմանը։ Նա ասել է, որ ուրախ է, որ ուսումնասիրություն կարվի, և հայտնի կդառնա՝ օրենքի խախտումներ եղել են, թե ոչ։ Ապօրինի գույքի բռնագանձման մասին լրագրողներից մեկի հարցին պատասխանելիս Սուքիասյանը բորբոքվել է ու խոսել Ռոբերտ Քոչարյանի, նրան վերագրվող գումարների մասին։

Այս ժամի լուրերը՝ տեսանյութում։