13.12.2024 | 18:50
Ուկրաինայի ինը էներգաբլոկներից հինգը կրճատել է հզորությունը ռուսական հարվածներից հետո. ՄԱԳԱՏԷ
Ջերմուկում ճոպանուղին չի գործում, արոտավայրերի որոշ հատվածներ վտանգավոր են. Վայոց ձորի մարզպետ. ՏԵՍԱՆՅՈՒԹ
Քաղաքականություն
07.11.2022 | 13:00
Ջերմուկի ճոպանուղին այս պահին չի գործում, քանի որ հրետանակոծության ժամանակ այն ամբողջությամբ վնասվել է։ Ազգային ժողովում լրագրողների հետ ճեպազրույցում այս մասին նշեց Վայոց Ձորի մարզպետ Արարատ Գրիգորյանը։
«Ըստ էության, վտանգ չկա ճոպանուղու աշխատանքի հետ կապված, բայց այն թշնամու անմիջական դիտարկման տակ է։ Այնպես որ` հարցը հարաբերական է։ Վտանգ կլինի, եթե քաղաքացին նստի ճոպանուղի, և սկսվի հրետանակոծություն, պատերազմական իրավիճակ լինի․ պատերազմի վտանգն ուենք»,- նշեց Գրիգորյանը։
Նա նաև հավելեց, որ արոտավայրերի որոշ հատվածներ վտանգավոր են։
Անդրադառնալով Վայոց Ձորի մարզում այս պահին տիրող իրավիճակին՝ մարզպետը նշեց, որ բնականոն կյանքը փոխվել է, բայց կամաց-կամաց վերականգնվում է։
Մարզպետի խոսքով՝ սեպտեմբերի 13-ից հետո ստեղծված պատերազմական իրավիճակում Ջերմուկից տեղահանված քաղաքացիների գրեթե 70 տոկոսը, այս պահի դրությամբ` միայն 15-20 տոկոսը չեն վերադարձել, մնացածը եկել են, դպրոցներն ու մանկապարտեզներն ամբողջ ծավալով աշխատում են»։
Ինչ վերաբերում է տուրիստական հոսքերին, ապա մարզպետը նշեց, որ հանգստացողներ կան, այդ թվում նաև օտարերկրյա քաղաքացիներ, բայց ծանրաբեռնվածությունը նախկին 100 տոկոսի փոխարեն 40 տոկոս է։
