02.05.2024 | 11:23
Բլինքենը հանդիպել է Նեթանյահուի հետ
Իսրայելը կրկին հարվածներ է հասցրել Գազայի հատվածին
Քաղաքականություն
04.11.2022 | 16:27
Իսրայելը հարվածներ է հասցրել Գազայի հատվածին՝ ի պատասխան պաղեստինյան անկլավից իր տարածքի գնդակոծման փորձին։ Երկրի պաշտպանության բանակի տվյալներով՝ ավիահարվածների թիրախ են դարձել ՀԱՄԱՍ կազմակերպության համար հրթիռների մշակման ու արտադրության ստորգետնյա համալիրի օբյեկտները, գրում է Euronews-ը։
Ավելի վաղ Գազայի հատվածից չորս հրթիռ է արձակվել, որոնցից երեքը պայթել է Պաղեստինի տարածքում, մեկը խոցվել է հակաօդային պաշտպանության համակարգի կողմից։
Սա առաջին անդրսահմանային բախումն է օգոստոսի սկզբից ի վեր, երբ հրադադարը վերջ դրեց ռազմական գործողություններին Իսրայելի և «Իսլամական ջիհադ» զինյալ խմբավորման միջև:
Բացի այդ, նախօրեին իսրայելցի զինվորականների կողմից սպանվել են չորս պաղեստինցիներ. նրանցից մեկը արևելյան Երուսաղեմում դանակահարել էր ոստիկանին, ևս երեքը սպանվել է օկուպացված Հորդանան գետի արևմտյան ափին իրականացված գրոհների ժամանակ:
Տաթև Ֆռանգյան
