23.03.2026 | 17:20
Փաշինյանն ու Պուտինը պայմանավորվել են քննարկումը շարունակել հանդիպման ձևաչափով
Ուլան Ուդեում հակապատերազմական ցույցի ժամանակ ութ կին է ձերբակալվել
Քաղաքականություն
04.11.2022 | 15:43
Ոստիկանությունը ձերբակալել է Ուլան-Ուդեի Խորհրդային հրապարակում հակապատերազմական ցույցի առնվազն ութ մասնակիցների, հաղորդում է BBC-ի ռուսական ծառայությունը։
«Ուտրո Բուրյատիի» Տելեգրամ-ալիքի փոխանցմամբ՝ ակտիվիստները խափանել են կառավարամետ ցույցը Ազգային միասնության օրվա կապակցությամբ։
«Նրանք սովորաբար հավաքում են պետական աշխատողներին և ցույց տալիս «համազգային աջակցություն»: Բայց այստեղ չարեցին, և ճիշտ արեցին. ամբոխը կարող էր նրանց դեմ դուրս գալ, սուլել նրանց կեղծ ելույթներին, եթե ոչ ավելին: Ժողովուրդը զայրացած է»,- ասվում է հրապարակման մեջ:
Ոստիկանները փակել են հրապարակը և բերման են ենթարկել այնտեղ գնալ փորձող քաղաքացիներին։ Ձերբակալվածներից Արյունա Խալուդորովան խոսել է առնվազն հինգ կնոջ կալանավորման մասին։ Նրա խոսքով՝ իրենից և ոստիկանական մեքենայում գտնվող մեկ այլ կնոջից բացատրություններ են վերցրել, նախազգուշացումներ արել, ապա ազատ արձակել։
OVD-Info-ի տեղեկություններով՝ ավելի ուշ ոստիկանություն բերման են ենթարկվել ևս երեք կանայք։ Նրանցից երկուսն ազատ են արձակվել։
Տաթև Ֆռանգյան
