17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Ադրբեջանը Թուրքիայում 20 մլրդ դոլարից ավելի ներդրումներ է արել․ Ալիևն ընդունել է Թուրքիայի փոխնախագահին
Քաղաքականություն
04.11.2022 | 16:02
Ադրբեջանի նախագահ Իլհամ Ալիևն այսօր ընդունել է Թուրքիայի փոխնախագահ Ֆուադ Օքթային։ Հանդիպման ընթացքում կողմերը քննարկել են երկու երկրների միջև համագործակցության հեռանկարները տրանսպորտային ու առևտրային ոլորտներում, գրում են ադրբեջանական լրատվամիջոցները։
Հանդիպմանը նշվել է, որ Թուրքիայի տնտեսության մեջ Ադրբեջանի ընդհանուր ներդրումները գերազանցել են 20 մլրդ դոլարը։
«Կողմերը նշել են, որ Ադրբեջանի և Թուրքիայի միջև ապրանքաշրջանառությունն աճել է, հաջող համագործակցություն է իրականացվում էներգետիկայի ոլորտում։ Գազի արտահանման հարցում նշվել է Հարավային գազային միջանցքի և այդ միջանցքի արտահանման հնարավորությունների ընդլայնման կարևորությունը։ Ալիևն ու Օքթայը նաև անդրադարձել են երկու երկրների միջև առևտրի և տրանսպորտի ոլորտներում համագործակցության հեռանկարներին»,- ասվում է հաղորդագրության մեջ։
Հավելենք, որ ադրբեջանական լրատվամիջոցների հաղորդմամբ՝ Օքթայը պատրաստվում է այցելել նաև Արցախի գրավյալ հայկական Շուշի քաղաք։
Էմմա Չոբանյան
