07.09.2026 | 21:58
Երրորդ դեպքը 5 ամսում․ ի՞նչ է կատարվում Բյուրեղավանի խմելու ջրի հետ. ՏԵՍԱՆՅՈՒԹ
Ձեր բյուջեն ինձ դուր չի գալիս․ 25 մլրդ-ից պակաս չպետք է լիներ․ Արսենյանը՝ Միրզոյանին․ ՏԵՍԱՆՅՈՒԹ
Քաղաքականություն
03.11.2022 | 16:27
2023 թվականի բյուջեի նախագծով ԱԳ նախարարությանը կհատկացվի 16 միլիարդ 510 միլիոն դրամ: ԱԳ նախարար Արարատ Միրզոյանն ԱԺ հանձնաժողովների համատեղ նիստում հայտնեց, որ նախատեսվում է 5 ծրագրում ներառված 15 միջոցառում:
«Պարո՛ն նախարար, ինձ գոհացնում է ձեր կատարած աշխատանքը, որպես արտգործնախարար, բայց ինձ դուր չի գալիս այն բյուջեն, որը հիմա դուք ունեք,- դիմելով Միրզոյանին՝ նշեց «Քաղաքացիական պայմանագիր» խմբակցության պատգամավոր Գուրգեն Արսենյանը։- Անհամաչափություն է ստեղծվում։ Այն աշխատանքը, այն ակտիվությունը, որ կա արտգործնախարարության դիվանագիտական դաշտում, պետք է իր արտացոլումն ունենա նաև ֆինանսական ապահովման դաշտում, այսինքն՝ արտգործնախարարության բյուջեն 25 մլրդ-ից պակաս չպետք է լիներ։ Պետք է ձեր առջև դնեիք շատ հավակնոտ ծրագրեր ու իրականացնեիք հավակնոտ գործողություններ»։
Պատգամավորի դիտարկմամբ՝ շատ ցածր է և անբավարար է արտգործնախարարության աշխատակիցների աշխատավարձը։ «Մենք ծրագրեր ենք իրականացնում, որով նախատեսում եք կրկնապատկել ուսուցիչների աշխատավարձը, բարձրացնել զինվորականների աշխատավարձը։ Դիվանագետների գործն ու դերը պակաս չէ, պետք է գտնել ուղիներ նրանց աշխատավարձերը բարձրացնելու համար»,-ասաց Արսենյանը։
Պատգամավորի դիտարկմամբ՝ արգործնախարարության գլոբուսում բացակայում է մի մայր ցամաք՝ Աֆրիկան․ «Աֆրիկյան երկրների վրա էլ ուշադրություն դարձրեք, արձանագրեք այն, թե ինչը կարող է օգտակար լինել մեր երկրի պետական շահերի համար»։
Մանրամասները՝ տեսանյութում։
