12.12.2025 | 23:31
Պուտինի օգնականը չի բացառել պատերազմի ավարտից հետո Դոնբասի ապառազմականացումը
ԵՄ երկրների հետ արտաքին առևտուրն աճել է 24,5 %-ով․ Քերոբյան. ՏԵՍԱՆՅՈՒԹ
Տնտեսություն
03.11.2022 | 14:26
Հայաստանի Հանրապետության արտաքին առևտուրը Եվրամիության երկրների հետ 2022 թվականին էապես աճել է։ ԱԺ մշտական հանձնաժողովների համատեղ նիստում 2023 թ պետբյուջեի նախագծի քննարկման ժամանակ այս մասին նշեց ՀՀ էկոնոմիկայի նախարար Վահան Քերոբյանը։
«2021 թվականի համեմատ Հայաստանից դեպի ԵՄ երկրներ արտահանումը 8 ամսվա արդյունքներով աճել է 24,5 տոկոսով, իսկ ԵՄ-ից ներմուծումը՝ 40,8 տոկոսով։ Ընդհանուր առևտրաշրջանառությունը 60 տոկոսով է աճել և կազմել 571 միլիոն դոլար»,- նշեց Քերոբյանը։
Նախարարի խոսքով՝ Հայաստանը ԵՄ գործընկերների հետ աշխատանք է տանում փոքր և միջին ձեռնարկությունների ֆինանսավորման մասով։
«Մենք հիմա նախապատրաստում ենք այն միջավայրը, որտեղ կկարողանանք հատկացնել անհրաժեշտ գումարներ փոքր և միջին ձեռնարկությունների համար։ Պետք է նշեմ, որ անցած ամիս Պրահայում տեղի ունեցած ԵՄ-Արևելյան գործընկերներ գագաթնաժողովի ընթացքում ևս եվրոպացի գործընկերների հետ քննարկել ենք երկարաժամկետ դրամային ֆինանսավորման անհրաժեշտության հարցը։ Պայմանավորվել ենք, որ նոյեմբերին, կարծեմ, ՎԶԵԲ-ը պետք է հաստատի Կենտրոնական բանկի տանիքի տակ գտնվող գերմանական հիմնադրամի 70 միլիոն եվրո ֆինանսական միջոցներ հատկացնելու որոշումը։ Իրենց խոսքերով, վերջին ներդրումն է լինելու այդ խողովակով։ Հիմա շատ կարևոր է ստեղծել նոր խողովակ, որով հայկական բանկերը կկարողանան նոր ֆինանսավորում ստանալ եվրոպական գործընկերներից, որը կուղղվի Հայաստանի տնտեսական զարգացմանը և հայկական փոքր և միջին ձեռնարկությունների ֆինանսավորմանը»,- նշեց նախարարը։
Մանրամասները՝ տեսանյութում։
