31.10.2026 | 15:50
Արթուր Ոսկանյանը, Հովհաննես Հակոբյանն ու Էրիկ Հովսեփյանը՝ ԱԱ բրոնզե մեդալակիրներ
ՔՊ վարչության ընտրությունները կեղծվե՞լ են. Փաշինյանը նիստ է հրավիրել
Քաղաքականություն
03.11.2022 | 13:32
Նիկոլ Փաշինյանի ղեկավարած «Քաղաքացիական պայմանագիր» կուսակցության վարչության՝ նախորդ շաբաթ կայացած ընտրության արդյունքները կարող են փոփոխվել։ Վերանայման արդյունքում փոխվարչապետ Համբարձում Մաթևոսյանը և ՔՊ խմբակցության ղեկավար Հայկ Կոնջորյանը դուրս կգան վարչության կազմից՝ իրենց տեղը զիջելով Արսեն Թորոսյանին և Արմեն Փամբուխչյանին։
Մեր ունեցած տեղեկություններով՝ այս փոփոխություններն արվելու են վերահաշվարկի ժամանակ ի հայտ եկած փաստերի արդյունքում, և դա ներկայացվելու է որպես վերջիններիս կողմից ինքնաբացարկ։
ՔՊ-ական պատգամավոր Վահագն Ալեքսանյանը Factor.am-ի հետ զրույցում հավաստիացրեց, որ վերահաշվարկ չի եղել, վարչության կազմի փոփոխության վերաբերյալ էլ ասաց՝ տեղեկություն չունի։ Ինչ վերաբերում է վերը նշված չորս ՔՊ-ականներին, ապա նրանց հետ կապ հաստատել չի հաջողվում։ Մեր պարբերական հեռախոսազանգերն անպատասխան են մնում։
Հավելենք, որ մեր ունեցած տեղեկություններով՝ փոփոխություններից հետո Սուրեն Պապիկյանը չի լինի ՔՊ վարչության փոխնախագահ։
Factor.am-ին նաև հայտնի դարձավ, որ այսօր նախատեսված է ՔՊ վարչության արտահերթ նիստ։ Այս նիստն անցկացնելու համար Փաշինյանը չեղարկել է ՔՊ խմբակցության հետ նախապես ծրագրված հանդիպումը, որի ժամանակ մանրամասներ էր ներկայացնելու Սոչիի եռակողմ հանդիպումից։
Նարեկ Կիրակոսյան
