Մշակույթ
03.11.2022 | 12:55Կառավարության այսօրվա նիստում ընդունված որոշմամբ ՀՀ կրթության, գիտության, մշակույթի և սպորտի նախարարությանը 8,2 մլն դրամ հատկացվեց Բջնի գյուղի Սբ. Աստվածածին եկեղեցու հյուսիսային ավանդատան արտաքին պատի վերականգնման համար։
Վարչապետ Նիկոլ Փաշինյանը հանձնարարականներ էր տվել Բջնիի Սուրբ Աստվածածին եկեղեցու փլուզման եզրին գտնվող պատի և դեպի Բջնիի ամրոց տանող ճանապարհի նորոգման հետ կապված, ինչպես նաև հուշարձանն առավել ներկայանալի և տեսանելի դարձնելու համար աշխատանքներ իրականացնելու հետ կապված։
Կառավարության այսօրվա նիստում վարչապետը հետաքրքրվեց, թե ինչ է արվել այդ ուղղությամբ։
Դումանյանը հայտնեց, որ երկու ուղղությամբ էլ աշխատանքներ իրականացվում են։ Նա խոսքով՝ ՏԻՄ–երը բջնեցիների հետ բանակցում են այգիների տարածքը գնելու կամ դրանք այլ տարածքների հետ փոխանակելու շուրջ, զուգահեռ քննարկվում է նաև հանրային գերակա շահ ճանաչելու տարբերակը։
ԿԳՄՍ նախարարը հայտնեց, որ Բջնիի Սուրբ Աստվածածին եկեղեցու պատերից մեկը գտնվում է վթարային վիճակում և վերականգնման կարիք ունի: Մայր Աթոռ Սուրբ Էջմիածնի կողմից պատրաստվել է եկեղեցու պատի նորոգման և ամրակայման նախագիծը, ներկայացվել նախարարություն: Աշխատանքների համար պահանջվող ընդհանուր նախահաշվային արժեքը կազմում է 8 միլիոն 285 հազար դրամ:
Մանրամասները՝ տեսանյութում։
