31.10.2026 | 19:51
Քննարկվել են ՀՀ և բրազիլական ինքնաթիռաշինական համաշխարային ընկերության միջև համագործակցության հնարավոր հեռանկարները
Ծառուկյանը ծխախոտի բիզնեսն ընդլայնում է․ կառավարությունը 16․5 մլրդ դրամի արտոնություն կտա
Տնտեսություն
03.11.2022 | 00:04
Գագիկ Ծառուկյանն ընդլայնում է իր բիզնես գործունեությունը նաև ծխախոտի արտադրության ոլորտում։ ԲՀԿ ղեկավար, Փաշինյանի երբեմնի սուր քննադատ ու վարչապետի հրաժարականը պահանջող Ծառուկյանին այս բիզնեսում հաջողությունների հասնելու համար կառավարությունն արտոնություն կտա։
«Մուլտի Տաբակ» ՍՊ ընկերությունը նախատեսում է ծխախոտի արտադրության հումք ներկրել` Կոտայքի մարզի գործարանում ծխախոտ արտադարելու համար։ Արտադրությունը սկսելու համար նախատեսում է 162.6 մլրդ դրամի ապրանքներ ներկրել, որոնց մաքսատուրքը կազմում է 16․5 մլրդ դրամ։
Ծառուկյանն այժմ դիմել է կառավարությանը, որպեսզի իրեն ազատեն մաքսատուրքից։ Ըստ որոշման նախագծի՝ գործարարին կառավարությունը չի մերժի։
Հայաստանի միլիարդատեր գործարար Գագիկ Ծառուկյանը 16․5 մլրդ դրամը չի ցանկանում պետբյուջե վճարել և որպես հիմնավորում ներկայացնում է այն, որ ծխախոտի արտադրության շրջանակներում նախատեսվում է իրականացնել 59 մլրդ դրամի ներդրում։ Նախատեսվում է ներդրումային ծրագրի շրջանակներում ստեղծել 100 նոր աշխատատեղ՝ 350 հազար դրամ միջին ամսական աշխատավարձով։
«Մուլտի Տաբակ» ՍՊԸ-ն հիմնադրվել է 2019 թվականին և, ըստ Ծառուկյանի ներկայացրած հայտարարագրի, 100 տոկոսով պատկանում է վերջինիս։
Նշենք, որ ավելի վաղ կառավարությունը Ծառուկյանին պատկանող մեկ այլ ընկերության՝ «Օնիրա քլաբ»-ի համար 5,6 միլիարդ դրամի փոխհատուցում էր տվել պետական բյուջեից։ Այս ընկերությունը կազմակերպում է «Շանգրի լա» խաղատան աշխատանքերը։
Նարեկ Կիրակոսյան
