15.12.2025 | 17:57
Հայաստանը իրավունք չունի վատ հարաբերություն ունենալ որևէ հարևանի ու որևէ գերտերության հետ. Սամվել Կարապետյան
«Մեդալի մասին կխնդրեմ՝ քիչ խոսեք․ հարցը լուծված է». Քերոբյանը՝ խաղողի մթերման մասին․ ՏԵՍԱՆՅՈՒԹ
Տնտեսություն
02.11.2022 | 18:21
«Կխնդրեմ՝ այդ մեդալի մասին քիչ խոսեք, իրար ծաղրելը ճիշտ չէ, իմաստ չունի»,- ԱԺ-ում լրագրողների հետ զրույցում հորդորեց ՀՀ Էկոնոմիկայի նախարար Վահան Քերոբյանը՝ հավելելով՝ հարցը լուծված է՝ խաղողը մթերված է։
«Ես մի քանի անգամ գնացել եմ մարզեր, իրենք են եկել, մի քանի քննարկում է եղել, բոլոր խնդիրները լուծված են։ Կարող է մարդիկ դժգոհեն, որովհետև ցածր գնով է խաղողը մթերվել, բայց այս պահին խաղողի մթերումն ամբողջությամբ ավարտված է»,- ասաց նախարարը։
Հիշեցնենք ՝ մոտ մեկ ամիս առաջ մի շարք խաղողագործներ կառավարության շենքի մոտ բողոքի ցույց էին անում։ Նրանք վրդովված էին, քանի որ մթերողներն առաջարկում էին ծար գնով հանձնել խաղողը։
Գյուղացիները «խաբեբաների մեդալ» էին բերել, և նախօրոք հայտարարել էին՝ եթե խնդիրը չլուծվի, ապա այդ մեդալը կտան կառավարության ներկայացուցչին։ Հանդիպման վերջում նրանք այդ մեդալը վրդովված տվեցին Էկոնոմիկայի նախարար Վահան Քերոբյանին ու լքեցին դահլիճը։
