16.07.2026 | 19:22
Զելենսկին մեկնաբանել է ՊՆ ղեկավարի հրաժարականը և դրան հաջորդած բողոքի ցույցերը
Հարկ վճարողներն անձնական գրասենյակի միջոցով կարող են ներկայացնել նախագծերի վերաբերյալ առարկություններ․ ՊԵԿ
Հասարակություն
02.11.2022 | 15:30
Հոկտեմբերի 1-ից հարկային ստուգումների և ուսումնասիրությունների վերաբերյալ փաստաթղթերը, ինչպես նաև հարկային և մաքսային մարմինների բողոքարկման հանձնաժողովի որոշումները հարկ վճարողներին ծանուցվում են էլեկտրոնային եղանակով և համարվում են պատշաճ ծանուցված՝ Հաշվետվությունների ներկայացման էլեկտրոնային կառավարման համակարգի հարկ վճարողի անձնական էջում տեղադրելու օրվանից, որը հավաստվում է համակարգի կողմից․ տեղեկացնում են ՊԵԿ-ից։
Գործընթացն ավելի դյուրին իրականացնելու նպատակով Պետական եկամուտների կոմիտեն հարկ վճարողի անձնական գրասենյակում ստեղծել է ստուգումների, ուսումնասիրությունների, հանձնաժողովի որոշումների նոր բաժին: Ընդ որում, համակարգը հարկ վճարողին հնարավորություն է տալիս ոչ միայն դիտել փաստաթղթերը, այլև ներկայացնել պահանջվող տեղեկատվությունը, իրենց առարկությունները և այլ փաստաթղթեր: Փաստաթղթերը դիտելու և այլ գործողություններ կատարելու նպատակով առաջին հերթին հարկ վճարողի առցանց լիազորն անձնական գրասենյակից պետք է մուտք գործի համապատասխան օգտվողի լիազորությունների «Էջեր» բաժին և շնորհի, օրինակ, էջը դիտելու, խմբագրելու կամ ստորագրելու լիազորություններ: Այնուհետև, հարկ վճարողը կարող է անձնական գրասենյակի «Ծանուցումներ» բաժնի նոր ստեղծված բաժնում, ըստ անհրաժեշտության, դիտարկել էջը: Նույն էջից հարկ վճարողը հնարավորություն ունի տեսնելու հանձնարարագիրը, նաև ակտի արձանագրությունների նախագծերը, ակտերը և արձանագրությունները: Ստուգող տեսուչները ևս էջի միջոցով կարող են ներկայացնել փաստաթղթերի պահանջ, որոնց հարկ վճարողը կարող է համակարգի միջոցով պատասխանել և լրացուցիչ ներկայացնել այլ փաստաթղթեր, որոնք ՊԵԿ-ի կողմից ընդունվելու վերաբերյալ նույնպես գեներացվում է հավաստում:
Հոկտեմբերին էլեկտրոնային ծանուցման եղանակով արդեն իսկ ծանուցվել է շուրջ 8500 փաստաթուղթ, իսկ հարկ վճարողներից ստացվել է 110 առարկություն:
Ծանուցումների վերաբերյալ հարկ վճարողները կարող են իրազեկվել նաև էլեկտրոնային փոստի հասցեներով՝ անձնական գրասենյակում մուտքագրելով այն: Նախատեսվում է ծանուցման վերաբերյալ տեղեկատվություն ներկայացնել նաև բջջային հեռախոսահամարներով:
