Հասարակություն
02.11.2022 | 14:03ՀՀ Ազգային ժողովի պետական-իրավական հարցերի և ֆինանսավարկային ու բյուջետային հարցերի մշտական հանձնաժողովների համատեղ նիստում շարունակվում է «ՀՀ 2023 թ. պետական բյուջեի մասին» օրենքի նախագծի քննարկումը:
Պատգամավորների քննարկմանն են ներկայացվել ՀՀ իշխանության, պետական և դատական մարմինների, պետական վերահսկողության եւ կոռուպցիայի կանխարգելման համար նախատեսված ֆինանսական հատկացումները:
«Վճռաբեկ դատարանի ծախսերը գալիք տարում նախատեսված է ավելացնել ավելի քան 670 միլիոն դրամով, և Վերաքննիչ դատարանի ծախսերը՝ ավելի քան 245 միլոին դրամով»,- նշեց «Քաղաքացիական պայմանագիր» խմբակցության պատգամավոր Արուսյակ Ջուլհակյանը՝ խնդրելով մանրամասնել, թե ինչով է պայմանավորված հատկացումների ավելացումը։
«Հիմնականում պայմանավորված է դատավորների թվակազմի ավելացմամբ և դատավորների օգնականների ներգրավմամբ։ Քանի որ դատարանները գերծանրաբեռնված են, նախատեսված է, որ թեկուզ ժամանակավոր դատավորների օգնականներ ներգրավել աշխատանքներում․․․ Փորձ է արվում թեթևացնել դատավորների աշխատանքը»,- պարզաբանեց Գալստյանը։
«Քաղաքացիական պայմանագիր» խմբակցության պատգամավոր Վլադիմիր Վարդանյանը հավելեց, որ 2019թ․ սկսված բարեփոխումների արդյունքում զգալիորեն ավելացել է դատավորների թիվը՝ տարբեր ընթացակարգերի շրջանակներում։ «Բայց դեռևս Հայաստանն ամենաքիչ դատավորներ ունեցող երկրների թվին է դասվում, այս իրավիճակը պետք է շտկել։ Դատավորների աշխատավարձի, կենսաթոշակային ապահովվածության հարցերը պետք է լուծել, բայց դատավորներն էլ չպետք է հին իներցիայով ասեն՝ գործերը շատ են․․․ Լինում են դեպքեր որ, դատավորները երբեմն «ականջի հետև են գցում» գործը, և ուննում ենք ոչ հաճելի իրավիճակներ»։
Մանրամասները՝ տեսանյութում։
