13.04.2026 | 12:34
Զատկի հրադադարն ավարտվեց. ռուսական և ուկրաինական կողմերը հայտարարում են խախտումների մասին
ՀՀ նախագահի աշխատակազմի բյուջեն կավելանա 84 միլիոն դրամով. պատճառը բազային աշխատավարձի բարձրացումն է․ ՏԵՍԱՆՅՈՒԹ
Տնտեսություն
02.11.2022 | 13:16
ՀՀ նախագահի աշխատակազմի գործունեության գերակայություններից է երկրի իշխանության բոլոր ճյուղերի հետ արդյունավետ համագործակցությունը, ինչպես նաև համապետական և միջպետական գործընթացներում լիազորությունների շրջանակներում ակտիվ մասնակցություն ունենալը՝ հանդիսանալով նոր գաղափարների, լուծումների և ռազմավարական ծրագրերի նախաձեռնող։ Ազգային ժողովի պետաիրավական հարցերի և ֆինանսավարկային ու բյուջետային հարցերի մշտական հանձնաժողովների համատեղ նիստում նախագահի աշխատակազմի 2023 թ. բյուջետային հայտը ներկայացնելիս այս մասին նշեց նախագահի աշխատակազմի ղեկավարի տեղակալ, աշխատակազմի ղեկավարի լիազորությունները կատարող Խաչատուր Պողոսյանը։
«Հիմնվելով ռազամավարական նպատակների և խնդիրների վրա՝ հանրապետության նախագահի աշխատակազմը վերլուծում և գնահատում է առկա մարդկային ներուժն ու հնարավորությունները, օրենսդությամբ սահմանված կարգով համալրում աշխատակազմում առկա թափուր պաշտոնները՝ ապահովելով կադրային քաղաքականության իրականացման համար առավելագույն թափանցիկություն և օբյեկտիվություն։
Նախագահի աշխատակազմի կանոնադրական լիազորությունների իրականացման համար 2023թ․ համար ներկայացվել է 1 միլիարդ 686 միլիոն դրամի բյուջետային հայտ, 2022-ի համեմատ 83 միլիոն 800 հազար դրամով ավելացվել է։ Ավելացումը հիմնականում պայմանավորված է պետական պաշտոն և պետական ծառայության պաշտոն զբաղեցնող անձանց բազային աշխատավարձերի փոփոխությամբ և աշխատավարձերի բնականոն աճով պայմանավորված՝ որոշակի տոկոսի ավելացմամբ»,- նշեց Պողոսյանը։
Մանրամասները՝ տեսանյութում։
