04.04.2026 | 16:54
438 «կողմ», 3 «դեմ». Սերժ Սարգսյանը կրկին վերընտրվեց ՀՀԿ նախագահ
Գողացել են Գյումրու նկարչական դպրոցի ջրատաքացուցիչը
Հասարակություն
01.11.2022 | 21:05
Հոկտեմբերի 28-ի գիշերն անհայտ անձինք, դասասենյակներից մեկի պատուհանից ներս մտնելով, գողություն են արել Գյումրու Սերգեյ Մերկուրովի անվան նկարչական դպրոցից։
Դպրոցի տնօրենի ժամանակավոր պաշտոնակատար Ժակլին Սարգսյանի հաղորդմամբ, նրանք գողացել են Գերմանիայի Դաշնային Հանրապետության դրամաշնորհային ծրագրի շրջանակում դպրոցին նվիրաբերած ջրատաքացուցիչը, որի արժեքը 320 հազար դրամ է։
Հանցագործները նաև կոտրել են զուգարանի դուռը, ինչպես նաև վնասել ջրատար խողովակները, ինչի հետևանքով ջուրը լցվել է նկուղում գտնվող ցուցասրահ։ Ժակլին Սարգսյանը հաղորդում է ներկայացրել ոստիկանություն։
Արմիկ Մովսիսյան
