07.08.2026 | 18:19
Լուկա Դոնչիչի նախկին կինը 50 միլիոն դոլար է պահանջում աստղային բասկետբոլիստից
Աշխատաշուկայում գերտաքացած վիճակը պահպանվում է․ հայկական ընկերությունները սկսել են դրսից վարձու աշխատողներ բերել․ Մարտին Գալստյան․ ՏԵՍԱՆՅՈՒԹ
Տնտեսություն
01.11.2022 | 17:00
Հայաստանում աշխատավարձերը բարձրանում են, բայց թափուր աշխատատեղերը չեն լրացվում, գործազրկությունը չի նվազում։ Այսօր հրավիրված ասուլիսում անդրադառնալով աշխատաշուկայում առկա խնդիրներին՝ Կենտրոնական բանկի նախագահ Մարտին Գալստյանն ընդգծեց, որ աշխատաշուկայում «գերտաքացած» վիճակը պահպանվում է։
«Մասնավոր հատվածի անվանական աշխատավարձերի աճը տարեկան արտահայտությամբ 20 տոկոսից ավել է։ Արդեն որերորդ ամիսն է դա նկատելի է։ Նկատում ենք նաև, որ գործազրկությունը պատմականորեն ցածր մակարդակի վրա է, բայց նաև կան բազում թափուր աշխատատեղեր։
Որոշակի խնդիրներ կան աշխատաշուկայում։ Արդեն անեկդոտալ պատմություններ ենք լսում, որ հայկական ընկերությունները սկսում են դրսից վարձու աշխատողներ բերել․ աշխատավարձերի բավականի բարձր մակարդակ կա շինարարության, առևտրի ու ծառայությունների ոլորտներում, ինչը հայկական ընկերություններին դրդում է այդ պակասը կամ բացը լրացնել այլ երկրների աշխատուժի հաշվին։ Տեսնենք՝ ինչպես կզարգանա այդ ֆենոմենը, բայց այս պահի դրությամբ առնվազն աշխատաշուկայում այդ «գերտաքացած» իրավիճակը պահպանվում է»։
Մանրամասները՝ տեսանյութում։
