07.06.2026 | 15:30
Ամեն ինչ պետք է անենք, որ ընտրությունների լեգիտիմությունը կասկածի տակ չդրվի․ Արման Բաբաջանյան. ՏԵՍԱՆՅՈՒԹ
Դաշնակցական Մասիս Աբրահամյանն ու դուստրը պահանջում են իրենց տվյալները հանել ՀՀ-ում անցանկալի օտարերկրացիների տվյալների բանկից
Հասարակություն
01.11.2022 | 14:09
Նիդեռլանդներում ՀՅԴ Հայ դատի հանձնախմբի ատենապետ Մասիս Աբրահամյանը և դուստրը դատական հայց են ներկայացրել ՀՀ Ազգային անվտանգության ծառայության դեմ։ Նրանք պահանջում են իրենց տվյալները հանել ՀՀ տարածքում անցանկալի համարվող օտարերկրացիների տվյալների բանկից։ Այս մասին տեղեկանում ենք «Դատալեքս» դատական-տեղեկատվական համակարգից։
Հիշեցնենք, որ 2022 թվականի օգոստոսի 1-ին Մասիս Աբրահամյանը ժամանել էր Հայաստան, սակայն նրան չէին թույլատրել դուրս գալ «Զվարթնոց» օդանավակայանի տարածքից։ Դրանից մեկ օր առաջ՝ հուլիսի 31-ին, արգելվել էր նաև Աբրահամյանի դստեր՝ Նիդեռլանդների ՀՅԴ երիտասարդական միության անդամ Սյունե Աբրահամյանի մուտքը Հայաստան։ Օդանավակայանում ո՛չ հորը, ո՛չ դստերը պարզաբանումներ չեն տրվել։
Մասիս Աբրահամյանի հայցադիմումը մակագրվել է դատավոր Մհեր Պետրոսյանին։ Գործով նախնական դատական նիստ է նշանակվել 2023 թվականի մարտի 22-ին, այսինքն՝ շուրջ 5 ամսից։ Սյունե Աբրահամյանի հայցադիմումը մակագրվել է Ռուբերտ Մաքեյանին։
Այս գործով նախնական դատական նիստ է նշանակվել դեկտեմբերի 6-ին։
Արաքս Մամուլյան
