13.04.2026 | 20:33
Թրամփը սպառնում է ոչնչացնել իրանական նավերը, որոնք կփորձեն հատել Հորմուզը՝ ԱՄՆ ռազմածովային ուժերի շրջափակման ֆոնին
Նախորդ 6 ամիսներին գրանցվել է բռնության դեմ նախազգուշացման և միջոցների կիրառման 602 դեպք․ ՏԵՍԱՆՅՈՒԹ
Հասարակություն
01.11.2022 | 13:38
Պրակտիկայում կարող ենք ունենալ դեպք, երբ Ֆիզիկական բռնության դեպքում նախազգուշացում չի կիրառվում․ «Ինչպե՞ս կանխարգելել ընտանեկան բռնությունը. նոր օրենսդրական փաթեթով առաջարկվող մեխանիզմները» թեմայով քննարկման ժամանակ այս մասին նշեց Ոստիկանության անչափահասների հանցավորության և ընտանեկան բռնության կանխարգելման վարչության պետի տեղակալ, ընտանեկան բռնության կանխարգելման բաժնի պետ Հայկ Մկրտչյանը։
«Օրինակ՝ եթե մայրը զայրանում և թեթև ապտակում է երեխային, դա ֆիզիկական բռնություն է, բայց եթե մենք անհետաձգելի միջամտության որոշում կայացնենք և երեխային մորից հեռացնենք, դա ավելի ծանր հետևանք կարող է ունենալ երեխայի համար»,- նշեց Մկրտչյանը։
Նա նաև տեղեկացրեց, որ ընտանեկան բռնության դեպքերի աճ է արձանագրվել․ «Լավ է, որ բռնության դեպքերը գրանցվում են։ Բռնության կրկնման դեպքերի աճը շատ չէ։ Պաշտոնական վիճակագրության համաձայն՝ 2022թ․ նախորդ 6 ամիսներին գրանցվել է բռնության դեմ նախազգուշացման 296, անհետաձգելի միջամտության 306 դեպք»։
Մանրամասները՝ տեսանյութում։
