09.09.2026 | 19:16
Վանաձոր, Այրում քաղաքներում, Արարատ բնակավայրում գազանջատումներ կլինեն
ՀՀ-ն դեռևս չի վավերացրել կանանց նկատմամբ բռնության կանխարգելման կարևոր կոնվենցիան. Զառա Հովհաննիսյան․ ՏԵՍԱՆՅՈՒԹ
Հասարակություն
01.11.2022 | 13:07
«Բազմաթիվ դեպքեր են եղել, երբ ոստիկանությունը չի կարողացել միջամտել, բռնարարի նկատմամբ որևէ գործիքակազմ չի կիրառել և դեպքը չի որակել որպես ընտանեկան բռնություն, քանի որ օրենսդրական բաց կա․ չամուսնացած, բայց նշանադրված կամ սերտ զուգընկերային հարաբերությունների մեջ գտնվող անձանց հարաբերությունները մեր օրենսդրությամբ չեն կարգավորվում։ Նոր օերնսդրական փաթեթով առաջարկվում են կարգավորումներ։ «Ինչպե՞ս կանխարգելել ընտանեկան բռնությունը. նոր օրենսդրական փաթեթով առաջարկվող մեխանիզմները» թեմայով քննարկման ժամանակ այս մասին նշեց իրավապաշտպան Զարուհի Հովհաննիսյան։
Իրավապաշտպանի դիտարկմամբ՝ բռնարարի հետ հաշտեցման գործընթացը պետությանը պատվիրակելը մարդու իրավունքների խախտում է և վտանգավոր ՝ բռնության շարունակականության տեսանկյունից․ «Անձն ինքը պետք է որոշի՝ ում հետ շարունակել իր կյանքը․ լավ է, որ նոր օրենսդրական փաթեթով առաջարկվող մեխանիզմների համաձայն՝ սա դուրս է եկել օրենքից»։
Հովհաննիսյանի դիտարկմամբ՝ կան հարցեր, որոնք նոր օրենսդրական փաթեթում ներառված չեն․ դրանցից է ընտանեկան բռնության քրեականացման հարցը։
Իրավապաշտպանի խոսքով՝ ՀՀ-ն դեռևս չի վավերացրել կանանց նկատմամբ բռնության կանխարգելման կարևոր կոնվենցիան։
Մանրամասները՝ տեսանյութում։
