31.10.2026 | 10:43
Հայաստանի չեմպիոնը հաղթական խաղով է ավարտել պայքարը ֆուտզալի Չեմպիոնների լիգայում. ՏԵՍԱՆՅՈՒԹ
Իսրայելը կրկին պատրաստվում է Կնեսետի ընտրությունների՝ վերջին 4 տարում արդեն 5-րդ անգամ
Քաղաքականություն
31.10.2022 | 19:53
Իսրայելը կրկին պատրաստվում է Կնեսեթի ընտրությունների՝ վերջին 4 տարում արդեն 5-րդ անգամ։ Պատճառը իշխող կոալիցիայի՝ Յաիր Լապիդի ու Նաֆթալի Բենեթի կողմից խորհրդարանը ցրելն է։
Աննախադեպ քաղաքական դաշինքը, որը իշխանությունից հեռացրեց Բենիամին Նեթանյահուին, տեւեց ոչ ավելի, քան մեկուկես տարի, գրում է Euronews-ը։
Իսրայելի բնակչությունը, որն արդեն սովոր է ապրել քաղաքական անկայունության ու անորոշության պայմաններում, մեծ հույսեր չի կապում հաջորդ ընտրությունների հետ։
Վերջին հարցումների համաձայն՝ նախկին վարչապետ Բենիամին Նեթանյահուի «Լիկուդ» կուսակցությունը մեծամասնության համար անհրաժեշտ 61 մանդատից կստանա մոտ 30 մանդատ Կնեսետում։ Եվ, ամենայն հավանականությամբ, հենց նրան կհանձնարարվի կառավարություն ձևավորել, և դրանք շաբաթների կամ ամիսների բանակցություններ են։
Եթե նա պարտվի, ապա այդ առաքելությունը կարող են վստահվել ներկայիս վարչապետ Յաիր Լապիդին, ով, դատելով հարցումներից, իր «Եշ ատիդ» կուսակցությամբ զբաղեցնում է երկրորդ տեղը։
Մեծամասնության կառավարության բացակայության դեպքում Իսրայելին նոր ընտրություններ են սպասվում։
