09.10.2026 | 17:52
Գոյություն չունեցող ընկերությունները հաղթել են 80 մրցույթում և խափանել 3,2 մլրդ դրամի գնումներ․ ՊՎԾ
Ռուսաստանն ուկրաինական Խերսոնում ավարտել է բնակչության տարհանումը
Քաղաքականություն
28.10.2022 | 19:20
Խերսոնի շրջանի աջ ափից խաղաղ բնակչության տարհանումն ավարտվել է։ Այս մասին հայտարարել է շրջանի օկուպացիոն վարչակազմի ղեկավարի տեղակալ Կիրիլ Ստրեմոուսովը, գրում է BBC-ի ռուսական ծառայությունը։
Նա նշել է, որ դա չի եղել հարկադիր տարհանում, սակայն մարդկանց հնարավորություն է տրվել գնալ կրակի գծից։
Խերսոնի շրջանի օկուպացիոն իշխանությունների այլ պաշտոնյաների տվյալներով՝ ընդհանուր առմամբ 70 հազար մարդ է տեղահանվել։ Հեռանալ ցանկացողների համար անցումները դեռ գործում են, ուստի լիովին պարզ չէ, թե կոնկրետ ի՞նչ նկատի ունի Ստրեմոուսովը, երբ խոսում է տարհանման ավարտի մասին։
Հիշեցնենք, որ ՌԴ-ի կողմից նշանակված Խերսոնի շրջանի իշխանությոնները հոկտեմբերի երկրորդ կեսին հայտարարել էին Դնեպրի ձախ ափ բնակիչների տարհանման մասին։
Ուկրաինական բանակը շարունակում է Խերսոնի շրջանում հարձակումը, չնայած, ըստ տարբեր տեղեկությունների, վերջին շաբաթներին տեմպերը դանդաղել են։
Էմմա Չոբանյան
