16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Բաքուն պատժամիջոցների պատճառով երկրում ռուսական «Լուկօյլ»-ի նախագծերի համար խնդիրներ չի տեսնում
Քաղաքականություն
28.10.2022 | 20:08
Պատժամիջոցները և քաղաքական իրավիճակը չեն ազդել Ադրբեջանում ռուսական «Լուկօյլ»-ի մասնակցությամբ նավթագազային նախագծերի, ինչպես նաև «Շահ Դենիզ» հանքավայրի շահագործմանը մասնակցության վրա։ Այս մասին ասել է Ադրբեջանի էներգետիկայի փոխնախարար Էլնուր Սոլթանովը, գրում է ՏԱՍՍ-ը։
«Նրանք («Լուկօյլ») այստեղ են սկզբից, և չնայած բոլոր պատժամիջոցներին՝ շարունակում են մասնակցել նախագծերին։ Ես այդ առումով որևէ խնդիր չեն տեսնում «Լուկօյլ»-ի համար»,- ասել է Սոլթանովը Բաքվում արդեն երկրորդ օրն անցկացվող Եվրասիական տնտեսական ֆորումի շրջանակում լրագրողների հետ զրույցում։
Նա նշել է, որ «Շահ Դենիզ» նախագծի գազը, որում մասնակցում է ռուսական ընկերությունը, շատ կարևոր է եվրոպացի սպառողների համար, և Իրանի դեմ պատժամիջոցներ կիրառելիս բացառություններ են արվել նախագծի համար։
Միաժամանակ, նախագծի մասնակիցներից մեկն իրանական NICO ընկերությունն է, որի համար միայն որոշակի սահմանափակումներ են եղել դրանից ստացվող շահույթի ներդրման հարցում։
«Չեմ կարծում, որ «Լուկօյլ»-ը կունենա ինչ-որ խնդիրներ։ Նույնիսկ եթե լինեն պատժամիջոցներ, կարծում եմ, որ այնտեղ կլինեն բացառություններ»,- ասել է ադրբեջանցի պաշտոնյան։
Հավելենք, որ «Շահ Դենիզ» նախագծի մասնակիցներն են BP-ն, SOCAR-ը, TPAO-ն, NICO-ն։ Ռուսական «Լուկօյլ»-ի մասնաբաժինը կազմում է 19,99 տոկոս։
Էմմա Չոբանյան
