31.10.2026 | 15:55
Ծանրամարտի ԱԱ. Գոռ Սահակյանը վնասվածք է ստացել
ՄԱԿ-ն ակնկալում է երկարաձգել ուկրաինական հացահատիկի վերաբերյալ համաձայնագիրը
Քաղաքականություն
27.10.2022 | 20:23
ՄԱԿ-ը հայտարարել է, որ ընդհանուր առմամբ լավատես է ուկրաինական նավահանգիստներից հացահատիկի արտահանման վերաբերյալ համաձայնագրի վերսկսման հեռանկարների վերաբերյալ, փոխանցում է BBC-ի ռուսական ծառայությունը:
Այսպես կոչված «Սևծովյան հացահատիկի նախաձեռնությունը»՝ ՄԱԿ-ի գլխավորած համաձայնագիրը, որը բանակցվել է Մոսկվայի և Կիևի հետ Թուրքիայի մասնակցությամբ, գործում է մինչև նոյեմբերի 19-ը։ Այն հստակեցրել է պատերազմի հետևանքով արգելափակված ուկրաինական նավահանգիստներից հացահատիկի արտահանման պայմանները։ Զուգահեռաբար, համաձայնագիրը թույլ է տալիս ռուսական պարենամթերքի և պարարտանյութերի արտահանումը՝ չնայած Արևմուտքի պատժամիջոցներին:
Արտահանման ապաշրջափակման համաձայնագիրը թույլ է տվել գրեթե 9 միլիոն տոննա հացահատիկ դուրս հանել նավահանգիստներից և մեղմել համաշխարհային պարենային ճգնաժամը, որն առաջացել էր Ուկրաինա ռուսական ներխուժման հետևանքով:
Բայց անորոշությունը՝ արդյո՞ք գործարքը կերկարաձգվի, արդեն իսկ բարձրացրել է որոշ պարենային ապրանքների գները:
«Մենք իսկապես ցանկանում ենք, որ համաձայնագիրը երկարաձգվի որքան հնարավոր է՝ շուտ: Դա կարևոր է շուկայի համար։ Եվ ես դեռ բավականին լավատես եմ»,- ասել է ՄԱԿ-ի գլխավոր քարտուղարի մարդասիրական հարցերով տեղակալ Մարտին Գրիֆիթսը:
Տաթև Ֆռանգյան
