18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ուկրաինայում Գերմանիայի նախագահի այցի ընթացքում օդային տագնապ է հայտարարվել․ նա ստիպված է եղել իջնել ապաստարան
Քաղաքականություն
25.10.2022 | 18:55
Գերմանիայի նախագահ Ֆրանկ-Վալտեր Շտայնմայերը, որն այսօր Ուկրաինա է ժամանել պատերազմի սկզբից ի վեր առաջին անգամ, մեկուկես ժամ անցկացրել է ռմբապաստարանում։
Չեռնիգովի մարզի Կորյուկովկա քաղաքում Շտայնմայերի այցի ժամանակ օդային տագնապ է հայտարարվել։ Նա ստիպված է եղել իջնել ռմբապաստարան։ Spiegel-ը գրում է, որ խաղաղ բնակիչների հետ զրույցը շարունակվել է նկուղում։
Նախատեսվում է, որ Շտայնմայերն այսօր կվերադառնա Կիև՝ նախագահ Վլադիմիր Զելենսկիի հետ հանդիպման: Առայժմ պարզ չէ՝ արդյո՞ք այդ պլանների վրա կազդի օդային հարձակումը։
Ի դեպ, նախապես չի հաղորդվել Գերմանիայի նախագահի՝ Ուկրաինա մեկնելու մասին։
Տաթև Ֆռանգյան
