16.09.2026 | 14:06
Տերը, ձեր պատկերացմամբ, Ռուսաստանն է, դրա համար եք ասում՝ անտեր կմնանք․ Մինասյանը՝ Ֆարմանյանին․ ՏԵՍԱՆՅՈՒԹ
Էրդողանը Պուտինի «դիրքորոշման մեղմացում» է նկատել
Քաղաքականություն
21.10.2022 | 17:50
Թուրքիայի նախագահ Ռեջեփ Թայիփ Էրդողանը Ռուսաստանի նախագահ Վլադիմիր Պուտինի հետ վերջին զրույցից հետո տպավորություն է ստացել, որ «Ուկրաինայի հետ երկխոսության հարցում նրա դիրքորոշումը մեղմվել է», գրում է Anadolu-ն։
Էրդողանը ևս մեկ անգամ ասել է, որ Թուրքիան «չի կորցնում հույսը» Պուտինի և Ուկրաինայի նախագահ Վլադիմիր Զելենսկիի բանակցությունների հարցում։ Թուրքիայի ղեկավարը նշել է, որ Ռուսաստանն ու Ուկրաինան մեծ կորուստներ են կրելու, և վստահություն հայտնել, որ «խաղաղության հարցում պարտվող չի լինի»։
«Պուտինի և Զելենսկիի հետ հեռախոսազրույցների արդյունքներով մոտ օրերս կհասկանանք՝ ինչքան հեռու կարող ենք առաջ շարժվել։ Նախօրեին շփվել եմ Զելենսկիի հետ։ Ես նրա խոսքում զգացի խոչընդոտների բացակայություն և այդ հարցը լուծելու պատրաստակամություն։ Մենք հույսը չենք կորցնում»,- ասել է Էրդողանը։
Հիշեցնենք, որ Ուկրաինայի նախագահը հայտարարել էր, թե չի պատրաստվում բանակցել Ռուսաստանի Դաշնության ներկայիս ղեկավարի հետ, սակայն պատրաստ է երկխոսության նրանց հետ, ովքեր «խաղաղություն են ուզում»։
Տաթև Ֆռանգյան
