09.04.2026 | 21:23
Ցուցակի առաջինը ես եմ, 2-րդը` Թևանյանը, 3-րդը` Լուիզա Սարգսյանը. Ծառուկյան. ՏԵՍԱՆՅՈՒԹ
Սերժ Սարգսյանի նախկին մամուլի խոսնակը ԱԱԾ Երևանի վարչության պետի տեղակալ չի նշանակվել. ԱԱԾ-ում թյուրիմացություն է եղել
01.06.2018 | 11:05
Սերժ Սարգսյանի նախկին խոսնակ Վլադիմիր Հակոբյանին Ազգային անվտանգության ծառայության Երևան քաղաքի վարչության պետի տեղակալ նշանակելու մասին տեղեկատվությունը, որը երեկ Factor.am -ին փոխանցել էր ԱԱԾ լրատվական ծառայության ղեկավար Սամսոն Գալստյանը, թյուրիմացության արդյունք է եղել: Այսօր մեզ հետ զրույցում պարոն Գալստյանը նշեց, որ տեղի է ունեցել սխալմունք:
«Վլադիմիր Հակոբյանը մեր աշխատակիցն էր, որ գործուղվել էր նախագահական, հիմա մեր կադրերի ռեզերվում է»,- նշեց ԱԱԾ մամուլի խոսնակը:
Հիշեցնենք, ու երեկ Սամսոն Գալստյանը Factor.am-ի հետ զրույցում պաշտոնապես հաստատել էր Վլադիմիր Հակոբյանի նշանակումը ԱԱԾ Երևան քաղաքի վարչության պետի տեղակալի պաշտոնում:
Ուշագրավ է, որ թյուրիմացաբար հայտնված այս տեղեկատվությունը ժամեր շարունակ պատկան մարմնի կողմից չէր հերքվել կամ վերանայվել, այն դեպքում երբ լայն տարածում էր գտել լրատվական դաշտում:
