31.10.2026 | 22:55
Հայտնաբերվել է զինծառայողի դի. ՊՆ
Խարկովում պայթյունների շարք է․ քաղաքապետ
Քաղաքականություն
21.10.2022 | 13:59
Խարկովի քաղաքապետ Իգոր Տերեխովն այսօր առավոտյան հայտնել է քաղաքին հասցված հարվածների մասին, գրում է BBC-ի ռուսական ծառայությունը։
«Խարկովում պայթյունների շարք է։ Առավելագույնս զգույշ եղեք»,- գրել է նա իր Telegram-ալիքում։
Տերեխովի տեղեկություններով՝ հարված է հասցվել Խարկովի ձեռնարկություններից մեկին։
«Նախնական տվյալներով՝ հարված է հասցվել ադմինիստրատիվ-արտադրական շենքին, որը տեղակայված է ձեռնարկության տարածքում։ Կան փլուզումներ»,- հայտնել է Տերեխովը։
Մարզային ռազմական ադմինիստրացիայի ղեկավար Օլեգ Սինեգուբովն էլ հայտարարել է, որ հարվածների հետևանքով տուժածներ կան։ Նրա տեղեկություններով՝ վիրավորվել է 5 մարդ, «կա արդյունաբերական ենթակառուցվածքի փլուզում»։
Ռուսական կողմը դեռևս չի հայտնել Խարկովին հասցված հարվածների մասին։
Տաթև Ֆռանգյան
