08.06.2026 | 10:57
Ընտրատեղամասի հարակից տարածքում դանակահարության դեպքով վարույթ է նախաձեռնվել սպանության հոդվածով
Պուտինն Էրդողանին հայտնել է «Թուրքական հոսքի» դեմ դիվերսիայի մասին․ Քալըն
Քաղաքականություն
18.10.2022 | 21:06
Ռուսաստանի նախագահ Վլադիմիր Պուտինն իր թուրք գործընկեր Թայիփ Էրդողանին տեղեկացրել է «Թուրքական հոսքի» դեմ դիվերսիաների մասին, Անկարան և Մոսկվան շփման մեջ են անվտանգության հարցերով։ Այս մասին հայտարարել է Թուրքիայի նախագահի խոսնակ Իբրահիմ Քալընը A Haber-ին տված հարցազրույցում, գրում է ՌԻԱ Նովոստին։
«Մենք տեղեկացված ենք այդ իրավիճակի մասին, դիվերսիան իրականացվել է ռուսական կողմի ճյուղում, կան ձերբակալվածներ։ Ռուսական կողմը պատասխանատվությունը գցում է ուկրաինական կողմի վրա։ Մոսկվան ուժեղացրել է անվտանգության միջոցները, մենք այդ հարցով շփման մեջ ենք»,- ասել է Քալընը։
Բացի այդ, նա նշել է, որ Թուրքիան ու ՌԴ-ն շփման մեջ են գազային հարցի շուրջ, մատակարարումների և վճարման հետ կապված խնդիրներ չկան։
«Հանդիպումները շարունակվում են։ Որևէ խնդիր չկա մատակարարումների և վճարումների առումով»,- ասել է Էրդողանի խոսնակը։
Էմմա Չոբանյան
