22.06.2026 | 22:57
Հրդեհ Վիլնյուսի փողոցի շենքերից մեկում․ այրվել է ննջասենյակը՝ գույքով
«Հայաստանի կառավարությունը հիացական քայլեր է արել»․ Էրդողանի խորհրդականը՝ հայ-թուրքական կարգավորման մասին
Քաղաքականություն
18.10.2022 | 14:56
Թուրքիայի նախագահի մամուլի խոսնակ, գլխավոր խորհրդական Իբրահիմ Քալընը թուրքական A Haber-ին տված հարցազրույցում, այլ թեմաներից զատ, անդրադարձել է նաև Հայաստանի հետ հարաբերությունների կարգավորմանը։
«Փաշինյանն այդ գործընթացը լավ է առաջ տանում՝ չնայած Սփյուռքի ճնշումներին։ Ալիևը վճռական է այս հարցում։ Ես կարծում եմ, որ առաջիկա օրերին մեր հատուկ ներկայացուցիչների հանդիպումից հետո լավ քայլեր կձեռնարկվեն։ Հարավային Կովկասում խաղաղության և կայունության հաստատման համար պետք է առաջ շարժվենք։ Մեր նախագահը կայցելի Զանգելանի օդանավակայանի բացմանը, լավ քայլեր են արվում։ Հավատում եմ, որ լավ քայլեր կձեռնարկվեն նաև Թուրքիայի և Հայաստանի միջև։ Հայաստանի կառավարությունը հիացական քայլեր է արել, որին հայկական Սփյուռքը պետք է աջակցի»,-ասել է Քալընը։
Ի դեպ, ուշագրավ է, որ Քալընի այս հայտարարությունները կրկին որոշակիորեն հակասում են Թուրքիայի ԱԳ նախարար Մևլութ Չավուշօղլուի նախօրեի հայտարարությանը, երբ վերջինը Երևանին կոչ էր արել, իբր, «սադրանքներից զերծ մնալ ու կատարել պարտավորությունները»։
Էմմա Չոբանյան
