09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ուկրաինայի տարբեր քաղաքներ դարձյալ հրթիռակոծվում են
Քաղաքականություն
18.10.2022 | 11:25
Խարկովի քաղաքապետ Իգոր Տերեխովը Telegram-ի իր ալիքում գրել է, որ քաղաքը հարվածների է ենթարկվում, գրում է BBC-ի ռուսական ծառայությունը։
«Խարկովը կրակի տակ է. հինգ րոպեի ընթացքում երկու պայթյուն է գրանցվել։ Ըստ նախնական տեղեկությունների՝ հարձակման է ենթարկվել քաղաքի արդյունաբերական ձեռնարկություններից մեկի տարածքը»,- ասել է նա։ Խարկովի մետրոպոլիտենի ղեկավարությունն էլ հայտնել է, որ հրետակոծության պատճառով գնացքների շարժը դադարեցվել է։
Դնեպրում էլ առավոտյան, պայթյուն է լսվել։ Լրջորեն վնասվել է քաղաքի էներգետիկ ենթակառուցվածքը, հայտնում է ՈւՆԻԱՆ-ը։ Պայթյունների մասին տեղեկություններ են ստացվում նաև այլ քաղաքներից։ Գիշերը С-300 հրթիռներից կրկին հրթիռակոծության է ենթարկվել Նիկոլաևը։ Հրթիռներից մեկն ընկել է երկհարկանի տան վրա։ Շրջանային ռազմական վարչակազմի ղեկավար Վիտալի Կիմի խոսքով՝ փլատակներում տղամարդու դի է հայտնաբերվել։
Զապորոժիեիում նույնպես երկու պայթյուն է հնչել։ ԱԹՍ-ն հարվածել է ենթակառուցվածքային օբյեկտի, որը բռնկվել է, հայտնել է նահանգապետ Ալեքսանդր Ստարուխը։ Ուկրաինայի նախագահի գրասենյակը հաստատել է Ժիտոմիրի վրա հարձակումը։ Նախնական տվյալներով՝ վնասվել է էլեկտրակայանը։ Ավելի վաղ հայտնի էր դարձել, որ Կրիվոյ Ռոգում ևս պայթյուններ են որոտացել։
