13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
ԵՄ-ն ծրագրում է պատժամիջոցներ կիրառել Իրանի դեմ Ուկրաինայի պատերազմում հավանական ներգրավվածության պատճառով
Քաղաքականություն
17.10.2022 | 21:17
ԵՄ մի շարք երկրների արտաքին գործերի նախարարներ կոչ են արել ընդլայնել Իրանի դեմ պատժամիջոցները, եթե հաստատվի Թեհրանի մասնակցությունը Ուկրաինայի դեմ Ռուսաստանի ռազմական գործողություններին, մասնավորապես՝ ուկրաինական թիրախներին հարվածելու համար իրանական կամիկաձե անօդաչու թռչող սարքերի օգտագործումը, գրում է DW-ի ռուսական ծառայությունը։
Ավստրիայի ԱԳ նախարար Ալեքսանդր Շալենբերգը հայտարարել է, որ իրանական անօդաչուների ցանկացած օգտագործում ռուսական հարձակումներում նշանակում է ռազմական հակամարտության սրում։ Նա նշել է, որ Ռուսաստան իրանական սպառազինության մատակարարումը փաստացի նշանակում է Թեհրանի ակտիվ աջակցություն Ուկրաինայի դեմ պատերազմին, որը սանձազերծել է ՌԴ-ն։
Դանիայի ԱԳ նախարար Յեպպե Կոֆոդն էլ ԵՄ-ին կոչ է արել վճռականորեն արձագանքել Կիևի վրա նոր օդային հարվածներին։
«Այն, ինչ մենք հիմա տեսնում ենք, այն է, որ իրանական անօդաչու թռչող սարքերը, ըստ երևույթին, օգտագործվում են՝ հարձակում իրականացնելու համար Կիևի կենտրոնում։ Սա վայրագություն է»,- ասել է նա։
Լյուքսեմբուրգի ԱԳ նախարարը հայտարարել է, թե նոր պատժամիջոցներն Իրանի դեմ չեն սահմանափակվի որոշ անձանց սև ցուցակում ներառելով, եթե հաստատվի այդ երկրի մասնակցությունը Ուկրաինայում հարձակումներին։
Իր հերթին, ԵՄ արտաքին քաղաքականության ղեկավար Ժոզեպ Բորելն ասել է, որ Բրյուսելը մտադիր է կոնկրետ ապացույցներ հավաքագրել Ուկրաինայում ռուսական հարվածների մասով Թեհրանի առնչության վերաբերյալ։
Էմմա Չոբանյան
