09.10.2026 | 15:23
ԱԱԾ-ն հերքում է Մեղրիում ադրբեջանցիների լինելու լուրը // Ադրբեջաներեն երգ՝ Փաշինյանի տեսանյութում․ ԼՈՒՐԵՐ
Ռուսական «Առաջին ալիքի» նախկին աշխատակցուհի Մարինա Օվսյաննիկովան ապաստան է գտել եվրոպական երկրներից մեկում
Քաղաքականություն
17.10.2022 | 18:22
Ռուսական «Առաջին ալիքի» նախկին աշխատակցուհի Մարինա Օվսյաննիկովան, որը հրաժարվել է ռուսական բանակի մասին «ֆեյքերի» գործով սահմանված տնային կալանքին հետևել, մեկնել է Ռուսաստանից։ Այս մասին «Avtozak Live» տելեգրամ-ալիքին հայտնել է նրա փաստաբան Դմիտրի Զախվատովը, գրում է Meduza-ն։
«Մարինա Օվսյաննիկովան հարկադրված է եղել լքել Ռուսաստանը և այժմ անվտանգ է, եվրոպական երկրներից մեկի հովանու ներքո»,- ասել է Զախվատովը՝ մանրամասներ չներկայացնելով։
Հիշեցնենք, որ Մարինա Օվսյաննիկովան ճանաչում է ձեռք բերել 2022 թվականի մարտին, երբ ռուսական «Առաջին ալիքի» ուղիղ եթերի տաղավար ներխուժեց՝ հակապատերազմական պաստառը ձեռքին։ Դրա համար նրա նկատմամբ արձանագրություն է կազմվել վարչական հոդվածով՝ չհամաձայնեցված ակցիայի մասնակցելու մասին, նա տուգանվել է 30 հազար ռուբլու չափով։
Տաթև Ֆռանգյան
