16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Ձերբակալվել է փաստաբան Էրիկ Ալեքսանյանը
Հասարակություն
17.10.2022 | 17:09
Աղվան Հովսեփյանի, Արմեն Գևորգյանի և այլ հայտնի պաշտոնյաների պաշտպան, փաստաբան Էրիկ Ալեքսանյանը ձերբակալվել է։ Տեղեկությունը Factor.am-ի հետ զրույցում հաստատեց Փաստաբանների պալատի մամուլի խոսնակ Սիլվի Տիգրանյանը՝ այլ տեղեկություններ չհայտնելով։
Գլխավոր դատախազությունից Factor.am-ին հայտնեցին, որ փաստաբանին առաջադրված մեղադրանքը փոխկապակցված է ՀՀ գլխավոր դատախազի վերոնշյալ միջնորդությամբ Բարձրագույն դատական խորհուրդ ներկայացված փաստական տվյալների հետ:
««Փաստաբանության մասին» օրենքի 22-րդ հոդվածի երրորդ պարբերության հիման վրա՝ վարույթն իրականացնող մարմինը փաստաբանին ձերբակալելու մասին տեղեկացրել է Փաստաբանների պալատի նախագահին»,- նշեց Գլխավոր դատախազի խորհրդական Լուսինե Մարտիրոսյանը՝ զերծ մնալով փաստաբանի անունը հրապարակելուց։
Ըստ ամենայնի, Էրիկ Ալեքսանյանն անցնում է դատավոր Արուսյակ Ալեքսանյանի հետ նույն գործով, ում անձեռնմխելիությունից զրկելու միջնորդությունն այս պահին քննվում է Բարձրագույն դատական խորհրդում։
Ռոզա Վարդանյան
