15.01.2025 | 22:27
Երևանում և 7 մարզում էլեկտրաէներգիայի անջատումներ կլինեն
Ղրիմի կամրջի վրա տեղի ունեցած պայթյունի գործով դատարանը ձերբակալել է ևս երեք մարդու
Քաղաքականություն
17.10.2022 | 13:43
Մոսկվայի Բասմանի դատարանը Ղրիմի կամրջի վրա պայթյունի գործով ևս երեք մեղադրյալի է ձերբակալել։ Այս մասին հայտնում է Ինտերֆաքս-ը։
Ռուսաստանի քաղաքացիներ Ալեքսանդր Բիլինը, Օլեգ Անտիպովը և Դմիտրի Տյաժոլիխը ձերբակալվել են մինչև դեկտեմբերի 8-ը։
Նրանց բոլորին մեղադրանք է առաջադրվել նախնական համաձայնությամբ մահ և գույքին վնաս պատճառած ահաբեկչություն կատարելու համար (ՌԴ Քրեական օրենսգրքի 205-րդ հոդվածի 2-րդ մասի «ա», «բ», «գ» կետեր):
Հիշեցնենք` հոկտեմբերի 8-ի առավոտյան Ղրիմի կամրջի վրա բեռնատար է պայթել, ինչի հետևանքով երկաթգծի շարժակազմի վառելիքի 8 ցիստեռն է բռնկվել։ Կամրջի երթևեկելի մասը մասնակի փլուզվել է, պայթյունի հետևանքով երեք մարդ է մահացել։
Հանցագործության նախապատրաստմանը մասնակցելու համար քրեական գործի շրջանակում այս պահին ձերբակալված էին 5 մարդ, որոնցից 3 հայ։
Տաթև Ֆռանգյան
