17.01.2026 | 10:30
Մահացել է ՀՀ վաստակավոր ճարտարապետ Մուրադ Հասրաթյանը
Ժոզեպ Բորելը հույս է հայտնել, որ կհաստատվի հայ-ադրբեջանական սահման առաքելության ուղարկումը
Քաղաքականություն
17.10.2022 | 12:12
ԵՄ ԱԳՆ ղեկավարների նիստի ժամանակ ԵՄ արտաքին քաղաքաանության ու անվտանգության հարցերով գերագույն ներկայացուցիչ Ժոզեպ Բորելը հույս է հայտնել, որ կհաստատվի հայ-ադրբեջանական սահմանին առաքելության ուղարկումը։ Այս մասին նա հայտարարել է նիստի մեկնարկից առաջ։
«Այսօր մենք կքննարկենք հայ-ադրբեջանակկան սահման մեր առաքելության ուղարկումը։ Հուսով ենք, որ նախարարները հաստատեն այդ առաքելության նշանակումը»,- նշել է Բորելը։
Հիշեցնենք, որ ԵՄ 27 անդամ երկրների ԱԳ նախարարներն այսօր Լյուքսեմբուրգում անցկացնելու են նիստ, որի օրակարգում Ուկրաինայի պատերազմն է։ Բացի այդ, սպասվում է, որ նախարարները համաձայնություն են տալու Հայաստանում Ադրբեջանի հետ սահմանին քաղաքացիական առաքելության տեղակայմանը։
«Հոկտեմբերի 6-ին՝ մեկ շաբաթ առաջ, Հայաստանի, Ադրբեջանի, Ֆրանսիայի ղեկավարների և Եվրոպական խորհրդի նախագահի հանդիպմանը պայմանավորվածություն է ձեռք բերվել առաքելություն ստեղծելու վերաբերյալ։Սպասվում է, որ երկուշաբթի նախարարները կհաստատեն այս առաքելությունը», – ասել է ԵՄ ներկայացուցիչը՝ նշելով, որ մոտ 400 դիտորդ է տեղակայվելու առաջին փուլով։
Տաթև Ֆռանգյան
