09.10.2026 | 17:55
Հրազդանում ԸԸՀ քարտուղարը քաշքշել և սպառնացել է դիտորդին․ «Ականատես»
ԵՄ-ն առաջին փուլով նախատեսում է մոտ 40 դիտորդ տեղակայել Հայաստանում
Քաղաքականություն
17.10.2022 | 11:53
ԵՄ 27 անդամ երկրների ԱԳ նախարարներն այսօր Լյուքսեմբուրգում անցկացնելու են նիստ, որի օրակարգում լինելու է Ուկրաինայի պատերազմը։ Բացի այդ, սպասվում է, որ նախարարները համաձայնություն են տալու Հայաստանում Ադրբեջանի հետ սահմանին քաղաքացիական առաքելության տեղակայմանը, գրում է ՏԱՍՍ-ը։
«Հոկտեմբերի 6-ին՝ մեկ շաբաթ առաջ, Հայաստանի, Ադրբեջանի, Ֆրանսիայի ղեկավարների և Եվրոպական խորհրդի նախագահի հանդիպմանը պայմանավորվածություն է ձեռք բերվել առաքելություն ստեղծելու վերաբերյալ։Սպասվում է, որ երկուշաբթի նախարարները կհաստատեն այս առաքելությունը», – ասել է ԵՄ ներկայացուցիչը։ Նա նշել է, որ առաքելության մանրամասները դեռ չկան։
«Կարող եմ միայն ասել է, որ մոտ 40 դիտորդ է տեղակայվելու առաջին փուլում»,-ասել է պաշտոնյան՝ հավելելով, որ առաջին դիտորդները ներգրավվելու են Վրաստանում ԵՄ առաքելությունից։
«Հարցի հրատապության պատճառով մենք անձնակազմ ենք վերցնում Վրաստանում մեր առաքելությունից »,-ասել է ԵՄ ներկայացուցիչը։
Էմմա Չոբանյան
