25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Կիևը դարձյալ թիրախում է․ հարվածներ են հասցվել բնակելի տարածքներին
Քաղաքականություն
17.10.2022 | 11:00
Կիևի քաղաքապետ Վիտալի Կլիչկոն հայտարարել է ևս երկու պայթյունի մասին Ուկրաինայի մայրաքաղաքի կենտրոնական Շևչենկովսկի թաղամասում և կոչ է արել բոլորին գնալ ապաստարաններ, գրում է BBC-ի ռուսական ծառայությունը։
Ավելի վաղ Ուկրաինայի նախագահի գրասենյակի ղեկավար Անդրեյ Երմակը Telegram-ի իր ալիքում գրել էր, որ «Կիևը հարձակման է ենթարկվել կամիկաձե անօդաչու սարքերի կողմից»։ Կլիչկոյի խոսքով՝ անօդաչու թռչող սարքի առաջին հարձակման հետևանքով հրդեհ է բռնկվել ոչ բնակելի շենքում, վնասվել են մի քանի բնակելի շենքեր, զոհերի մասին տեղեկությունը ճշտվում է։
Քաղաքապետը հրապարակել է երկուշաբթի առավոտյան Կիևին հարվածած անօդաչու թռչող սարքերից մեկի բեկորների լուսանկարը։ Դատելով դրանից՝ սա իրանական արտադրության անօդաչու թռչող սարք է, որը ռուս զինվորականները վերանվանել են Geran-2։ Ռուսաստանի պաշտպանության նախարարությունը չի մեկնաբանում հոկտեմբերի 17-ի առավոտյան Կիևի հրթիռակոծման մասին լուրերը։
