31.05.2026 | 13:33
Օդի ջերմաստիճանը կբարձրանա 3-4 աստիճանով
Վրաստանի պետնախարարը հանդիպել է ՀՀ դեսպանի հետ
Քաղաքականություն
14.10.2022 | 22:51
Վրաստանի հաշտության և քաղաքացիական իրավահավասարության հարցերով պետնախարար Թեա Ախվլեդիանին ճանաչողական հանդիպում է ունեցել Վրաստանում Հայաստանի Հանրապետության արտակարգ և լիազոր դեսպան Աշոտ Սմբատյանի հետ, տեղեկացնում է պետնախարարի գրասենյակը, փոխանցում է Aliq Media-ն։
Պետնախարար Ախվլեդիանին շնորհավորել է Աշոտ Սմբատյանին դեսպանի պաշտոնը ստանձնելու կապակցությամբ և հաջողություն մաղթել դիվանագիտական գործունեության մեջ՝ Վրաստանի և Հայաստանի միջև բարիդրացիական և բարեկամական հարաբերությունների հետագա ամրապնդման։
«Թեա Ախվլեդիանին դեսպանին ներկայացրել է գերատեսչության գործունեությունը՝ հաշտեցման, ներգրավման, քաղաքացիական իրավահավասարության և ինտեգրման քաղաքականության ուղղությամբ։
Ընդգծվել է երկու երկրների միջև գործընկերության, ինչպես նաև տարածաշրջանում խաղաղության և կայունության ամրապնդման կարևորությունը։ Հայաստանի դեսպանն իր հերթին ողջունել է Թբիլիսիի կողմից գործադրվող ջանքերը հիշյալ երկու ուղղություններով և հայտնել համագործակցության իր պատրաստակամությունը», — ասված է տեղեկատվության մեջ։
