20.11.2024 | 20:04
Ադրբեջանի Միլլի Մեջլիսի նախագահը Ռուսաստան է ժամանել
ԼՂ ժողովուրդը չպիտի լինի Ադրբեջանի կառավարման ներքո․ դա հնարավոր չէ. շվեյցարացի պատգամավոր․ ՏԵՍԱՆՅՈՒԹ
Քաղաքականություն
14.10.2022 | 15:26
ՀՀ ԱԺ նախագահը հոկտեմբերի 14-ին ընդունել է Շվեյցարիայի Համադաշնության Ազգային խորհրդի պատգամավորներ Շտեֆան Մյուլեր-Ալտերմատին և Միշել Մատերին։
«Նման իրավիճակում հստակ բառեր պետք է գործածենք, որոնք վերաբերում են նաև ԼՂ-ին: ԼՂ-ում ապրող հայ բնակչությունը պետք է ինքնորոշման իրավունք ունենա։ Սա կարևոր կետերից է մարդու իրավունքների տեսանկյունից։ ԽՍՀՄ ժամանակներից ի վեր, երբ ԼՂ ժողովուրդն ուներ ինքնավարության իրավունք, հիմա այն սպառնալիքի տակ է։ Հստակ տեսնում ենք, որ նրանց գոյատևման հարցը կա, այն սպառնալիքի տակ է»,-ՀՀ ԱԺ-ում լրագրողների հետ հանդիպմանն այսօր հայտարարեց Շվեյցարիայի դաշնային խորհրդի խորհրդարանի անդամ, Շվեյցարիա-ՀՀ խորհրդարանական խմբի անդամ Ստեֆան Մյուլեր-Ալտերմատը։
«ԼՂ-ն դուրս է մնացել միջազգային համայնքի ուշադրությունից, և քաղաքական լուծում պետք է գտնել, ոչ թե դիմել զենքի օգնությանը, որպեսզի դա չբերի նոր եղեռնի։ Ադրբեջանը հստակ մերժել է դա, և մենք պայքարում ենք դրա դեմ։ Չպետք է թույլ տրվի, որ ԼՂ ժողովուրդը լինի ադրբեջանական կառավարման ներքո։ Սա շատ հստակ պետք է լինի բոլորի և բոլոր կողմերի համար»։ Շվեյցարիայի դաշնային խորհրդի խորհրդարանի անդամ, Շվեյցարիա-ՀՀ խորհրդարանական խմբի անդամ Միշել Մաթերն էլ իր հերթին հայտարարեց, որ ԼՂ-ի՝ Ադրբեջանի կազմում լինելը տարբերակ չէ, որովհետև կլինի ևս մեկ եղեռն․ «Կա մեկ այլ տարբերակ, որում հստակ դեր ունեն նաև ռուս խաղաղապահները։ Պետք է քննարկում լինի, որ առանց խաղաղապահ ուժերի ներկայության՝ որևէ խնդիր չառաջանա։ Ինքնորոշման իրավունքը պետք է հիմնված լինի մադրիդյան սկզբունքների վրա։ Մենք միշտ խաղաղության կողմից ենք և ամեն ինչ անելու ենք, որպեսզի բոլորը լինեն բանակցությունների սեղանի շուրջ։ Այս պահին լավագույն լուծումը միջազգային իրավունքը հարգելն է»․- նշեց շվեյցարիացի խորհրդարանականը։
Մանրամասները՝ տեսանյութում։
