12.01.2025 | 14:16
Առաջիկա օրերին օդի ջերմաստիճանն էապես չի փոխվի
Իրականում ականներ տեղադրվել են Ղարաբաղյան 1-ին պատերազմի ընթացքում, երկուստեք շփման գծում, այլ ոչ թե բնակավայրերում․ Մարուքյանը՝ ի պատասխան Ալիևի
Քաղաքականություն
13.10.2022 | 14:50
ՀՀ հատուկ հանձնարարություններով դեսպան Էդմոն Մարուքյանը գրառմամբ անդրադարձել է Ադրբեջանի նախագահ Իլհամ Ալիևի այն հայտարարությանը, ըստ որի՝ Արցախի գրավյալ տարածքների ականազերծման համար անհրաժեշտ է մոտ 30 տարի ու 25 մլրդ դոլար։
«Իլհամ Ալիևը հասկանում է, որ շատ բարդ կլինի ադրբեջանցիներին բնակեցնել Արցախում գրավված հայկական գյուղերում և տներում:
Ահա դա է պատճառը, որ նա որպեսզի միջազգային հանրությանը բացատրի, թե ինչու չի բնակեցնում իր պնդմամբ` իրենց բնակավայրերը, նա խոսում է իբր տեղադրված մեկ միլիոն ականների մասին և պնդում, որ դրանք մաքրելու համար դեռ 30 տարի է պետք և 25 մլրդ դոլար:
Իրականում ականներ տեղադրվել են Ղարաբաղյան առաջին պատերազմի ընթացքում, երկուստեք շփման գծում, այլ ոչ թե բնակավայրերում»,- ասված է հաղորդագրությունում։
