25.11.2024 | 21:16
Ադրբեջանն ու ՆԱՏՕ-ն համագործակցության հարցեր են քննարկել
Հայաստանը ձեռնպահ է քվեարկել Ուկրաինայի տարածքների բռնակցումը դատապարտող ՄԱԿ-ի բանաձևին
Քաղաքականություն
13.10.2022 | 11:55
ՄԱԿ-ի Գլխավոր ասամբլեան նախօրեին ձայների ճնշող մեծամասնությամբ բանաձև է ընդունել, որը դատապարտում է Ռուսաստանին Ուկրաինայի չորս տարածքների բռնակցումը, գրում է DW-ի ռուսական ծառայությունը։
Փաստաթղթում «Ուկրաինայի տարածքային ամբողջականությունն է, ՄԱԿ-ի կանոնադրության սկզբունքների պաշտպանությունը», չեն ճանաչվում Դոնեցկի, Լուգանսկի, Զապորոժիեի ու Խերսոնի շրջանների «հանրաքվեները»։ Նշվում է, որ կեղծ հանրաքվեները չունեն իրավական ուժ և չեն կարող հիմք հանդիսանալ այդ շրջանների կարգավիճակի որևէ փոփոխության, այդ թվում՝ Ռուսաստանին բռնակցելու համար։
Բանաձևին կողմն է քվեարկել 143 երկիր, 35 -ը ձեռնպահ է եղել, այդ թվում ՝ Հայաստանը, 5 երկիր դեմ է քվեարկել։ Բանաձևին դեմ քվեարկած երկրներն են ՌԴ-ն, Բելառուսը, Սիրիան, Նիկարագուան ու Հյուսիսային Կորեան։
Էմմա Չոբանյան
